طرائف الاريا مع عطاء

حكاية 1

النهارده كنت في زياره ومعايا زميل ومديره فالاسيستانت مخدتش بالها أنه مديره

فقالت للمندوب انت جيت هنا مره قبل كدا !

بصلها وقالها :مره ازاي !
أنا بجي علي طول
انا غمزلتها من بعيد وانا ميته من الضحك لدرجه ان مديره شافني وضحك

لقيتها خدت بالها وقامت قايلاله : بس اول مره تيجي من غير بدله وتلبس قميص بس عشان كدا اتلخبطت

فردقالها :  ايوا فعلا انا اول مره اجي من غير بدله

ومديره كل دا بيراقب الرد والحمد لله انه عدي

الاسيستانت دول عليهم حركات.

حكاية 2

وقفت توكتوك ومروحه فبقول العنوان لسواق التوكتوك

لقيته بيقولي هو انتو نقلتم من شارع الشهيد؟

قولتله ايون

رجع سأل وكنتم البيت القديم في شارع المجلس من زمان؟

قلتله ايون هو انت بتراقبنا ولا ايه؟ قالي لا عادي انا عارفكم .

رجع سألني هو حضرتك اتجوزتي؟

قولتله لسه

وقبل مايكمل استجواب كنت وصلت الحمدلله مفيش نص ساعه لقيته باعتلي ادد علي الفيس بوك

وطبعا عرفته من الصوره يكونش دا العوض ياولاااه.

حكاية 3

امبارح كنت في زياره لدكتور وكنت عايزه اخد رقم موبايله عشان اتمسح من عندي فطلبت منه الرقم وطلعت الموبايل من الشنطه واتلهيت في الكلام فنسيت انا مخرجه الموبايل ليه فحطيته تاني في الشنطه ومشيت طبعا انا لو حلفتله الزياره الجايه اني مش بتعاطي حاجه مش هايصدقني

حكاية 4

رد وقاللي علي فكره انا زملكاوي