اتفاقية جلسة الكوتشنج

اتفاقية جلسة الكوتشنج

 

كي تستفيد من الكوتشينج اقصي استفادة رجاءا قراءة بنود اتفاقية جلسة الكوتشنج بعناية

• – الجلسة مبنية على الانفتاح و الثقة:

كل ما يبقى فيه انفتاح أكتر في الكلام  يعني اقدر القط امور كتيرة تساعدك فى معرفة ذاتك وهاتسمع نفسك اكتر

وفيه ثقة والمقاومة أقل؛ كل ما كانت الجلسة أفيد لك.. 

• المقاومة

• تعني انك بتخبي حاجة او مش عاوز تصرح بيها , او بتداري :ده هايمنعني من فهمك اكتر والتعمق داخليا معاك-
• الجلسة قائمة عليك، وانت اللي بتقود دفة  الجلسة، ودوري اني مرايتك وانعكاس ليك ” 
•  وعشان وقتك غالي ثمين : الدخول في تفاصيل ملهاش علاقة بموضوع الجلسه هيخرجنا برة هدفك الأساسي.. فاستأذنك نأكد ان التغيير مسئوليتك. وانا كشريك نجاح هانبهك لده عشان نحقق التغيير المنشود.
  فلو  خرجت برة هدف الجلسة ..فاهستأذنك الفت نظرك وقتها اننا خرجنا برة هدف الجلسة الرئيسي..

• سرية الجلسة

• ده شيء مقدس تماما أي كلمة هتتقال في الجلسة مش هتتكتب في بوست علي السوشيال ميديا و مش هتتقال في قاعدة، ولا حتى مجازا، او اضربب بيها المثل
  موافقتك  فقط هي اللي تسمح لي اشارك جزء منها  بدون ذكر اي تفاصيل تخصك

• هنحتاج نحدد موضوع مهم نركز فيه، كل ما موضوع الجلسة اللي انت عايز تخرج بيه  وتتملكه فى إيدك كان محدد
  وواضح ..كل ما الجلسة كانت أفيد بالنسبة لك وبقى فيها إنجاز، ومبقاش فيها توهان، وأنا بساعدك طبعا في
  تحديد الهدف.
• ما تقلقش إحنا شركاء نجاح .لكن لو فتحنا في مواضيع كتيرة جدا مش هنوصل لحاجة عشان كده محتاجين نكون محددين الهدف.
• بنا ًء على الثقة والانفتاح اللي هيكون بيننا إن شاء الله؛ اسمحلي إني لو لقيت عندك جزئية محتاجين نشتغل
  حاجة غير الكوتشنج  ؛ هرشحلك حد يشتغل معاك في الجزئية اللي ظهرت لنا في الجلسة، وده مش معناه إني هسيبك،
  أنا هفضل معاك وهنكمل مع بعض رحلتنا إن شاء الله .
  لكن ماعداه هنبقى محتاجين نشتغل عليه لو فيه حاجة في الماضي طلعت لنا بسبب التربية أو صدمة أيا كان، ولاحظت إنها عاملة لك عائق أو مشكلة وموقفاك عن هدفك اللي انت عايز توصلله، لأن أنا شغلي بيبقى عالحاضر والمستقبل، والماضي ده دروس مستفادة،فلو فيه فترة من الماضي ده احنا عالقين فيها ومأثرة علينا في حاجة مش مخليانا عارفين نتقدم، فاسمحلي ساعتها إني
  هرشحلك حد، ونكمل احنا مع بعض في موضوعات تانية، ده لا يعني اني هتخلى عنك بأي حال من الأحوال، وأنا
  واثق إنك متفهم النقطة دي بس بحب أأكد عليها عشان لو ظهرت لنا فصحتنا النفسية ووعينا ومسئوليتنا تجاه
  نفسنا أهم حاجة في الرحلة اللي بنمر بيها، وده من باب إني مرايتك فدوري إني أوضحهالك إذا لاحظت وجودها.

• المشاعر

• سير الجلسة قد يتطرق الي الحديث, والعمل على المشاعر وهذا قد يجعلك غير مرتاح ولكنه ضروري لنجاح الجلسة فلا تقلق

تشتمل ايضا اتفاقية جلسة الكوتشنج ان : 

• الكوتشنج هو عبارة عن محادثة ذات هدف , ولن اقدم لك حلول او نصائح او حتي اخيّرك ما بين امرين او ارشح لك اي حل..

كل الحلول والمقترحات هاتكون من جانبك انت.

• اقدر اساعدك تطلع من عندك حلول ابداعية و سريعة كمان لو تحب , بس ده بيعتمد على الانسيابية Flow  فى الاجابة بدون وضع معوقات من جانبك
• يفضل في اللقاء الواقعي مكان هادي و على اكبر  قدر من الهدوء كي يساعدنا فى التركيز
• لو اونلاين : يفضل فتح الكاميرا .. ونكون جاهزين بنوت بوك لاخذ اي ملاحظات .. والجلوس في مكان هادئ بدون مقاطعات
• يتم دفع الجلسة او باقة الجلسات التي تم اختيارها كاملة قبل بدء الجلسات
• في حالة الرغبة في إلغاء أو تأجيل الجلسة لأمر طارئ يرجى التبليغ بها بـ 48 ساعة قبل موعد الجلسة لتحديد كيفية
  تعويض الأمر و إلا سيتم احتساب الجلسة.
• مقدر ان فيه ظروف ممكن تسبب تاخير – لكن لو عدى ربع ساعة بيعني ان حضرتك مش جاهز للجلسة ويتم خصمها من باقة الجلسات
  منتظر منك موافقة على الاتفاقية عشان نبدأ رحلتنا .. وكون واثق اني احب اسمع منك أي استفسار.. فمتترددش
  

  الجلسة الاولي فى الكوتشنج

طبيعي ان الجلسة الاولى قد تكون متعددة الاهداف وفيه نقاش كتير , عشان كده ليها طبيعة خاصة تلك الجلسة وتوضيح آلية عمل الكوتشنج اذا لم يسبق لك اجرائه من قبل.

– نتائج الجلسة الاولى قد تكون فى صورة تحديد هدف او  اهداف للجلسة التالية

يمكنك من جانبك اضافة بنود اخرى رسمية لـ اتفاقية جلسة الكوتشنج ويمكنك الاطلاع على المزيد من هنا اذا اردت

وفى النهاية و للتواصل المباشر ومعرفة المزيد

مع كوتش د علاء عمر اضغط على زرار الواتس 

الان اذا اردت اجراء جلسة فضلا قم بملئ تلك البيانات وثق تماما انها فى سرية تامة

” لا تقم بملئ الفورم الا اذا طلبت من حضرتك ده صراحة “