ازي تفتكر اسم الدكتور في العمل الصباحي
خطوات عملية عشان تحفظ الاسم من اول مرة
ازي تفتكر اسم الدكتور في العمل الصباحي
الذاكرة العاملة احد المهارات التنفيذية وبتساعدنا كتير في انجاز اعمال بدل ما نقول : يا خبر , طب ما انا كنت هناك و نسيت
والاسوء منها لما مديرك يقولك مين الي كان في العيادة وانت تنسي تماما مين كان هناك وملامحه ايه
ولا تيجي تكلم الدكتور عن دوا وبعد ما تبتدي يقول لك ما انت كلمتني عنه قبل كده
فيكون لسان حالك زي الصورة كده
اولا : ليه محتاج احفظ اسم الدكتور وافتكره ؟
” كل انسان مكتوب على جبينه : انا مهم , انا فلان الفلاني ” ~ زيج زيجلر
يبقي لازم ادي الاهتمام الحقيقي لكل انسان من خلال نطقي اسمه ” 3 مرات ” علي الاقل
– الناس بتلتفت اوي للي بينطق اسمها
تخيل بيكون فيه كام زميل موجود في المستشفي وكلنا بنتكلم ورا بعض.. يبقي الدكتور هيفتكر مين ؟
اكيد اللي فاكره ومهتم ايه
ثانيا : حط في دماغك انك عاوز تحفظه.
الرغبة غير الارادة :
الرغبة انك بحثت ودورت انما الارادة انك عاوز تطبق اللي تعلمته
مش مجرد انك عرفت الادوات ده يخليك تجيد اللعبة , لا , لازم تطبق وتحاول كذا مرة
ثالثا : اول ما تدخل العيادة الخارجية
متستعجلش تقول الكوول ع طول وتمشي
لو ادامه كشف : انتظر و تامل في ملامح الشخص اللي ادامك
– شعره, طوله , بنيانه . عينيه . طريقة مختلفة في لبسه .وحاول تشكل ضوره ذهنية في دماغك
– اول ما تتكلم : عرفه بنفسك و اسم شركتك و بعد كده ..وحضرتك؟
المزيد من المشاركات
هيقول اسمه .. مثلا ,, علاء ,, اهلا د علاء ,,”…
د علاء ايه – علاء عمر لو مقلش الاسم الثناني كده نطقت اسمه مره وسمعته مره,,
– ابتدي الكول كما يجب
و انت تنتقل لنقطة تانية قول ” وكذلك يا د علاء… و كمل حوارك . كده مرتين نطقنا الاسم
– وانت بتنهي او بتعمل close بتشكر او بتطلب او اللي انت ناويه وتروح ذاكر اسمه
– تكتب الاسم مباشرة اول ما تطلع من العيادة
– حاول تربط معني للاسم بتاعه و ملاحمه ..
يعني اسمها ” اسماء ” يعني عندها اسماء كتير زي الالوان الكتير اللي عندها
لو منتقبة : بص علي الشنطة , تون الصوت بيكون ازاي
تذكر : ” قُل لِّلْمُؤْمِنِينَ يَغُضُّوا مِنْ أَبْصَارِهِمْ “
– اسمه ” حسام ” اه زي حسام حسن ايه اوجه التشابه والاختلاف بينه وبين حسام حسن… ف اول ما هتشوف وشه تاني هتفكتر اسمه
– اسمه صلاح ” يعني وجه الطيب ده و نظره عينيه ربنا هيصلح ما بين اييديه .
كل ما هتعمل كده .. دماغك وعنيك هتتبرمج علي ربط الاسماء بالملامح
– تاني مرة وانت داخل العيادة بص ع النوته _ نوتة الموبايل مثلا – وتشوف الاسماء والملامح اللي انت كنت كاتبها
اول ما هتشوف الوصف هتفتكر الاسم ع طول
– بلاش تسال الدكتور عن اسمه في نهاية الكول
ليه؟
ايه الفايدة اللي هتعود ع الدكتور من انك تساله في الاخر ؟
ده هيفيدك انت – كمندوب دعاية – انك تكتبه في الريبورت ولن يفيده هو
واحنا دايما كل كلامنا عن اللي يفيد الاخر WIIFM
– تخيل شعور كل دكتور ودكتوره اول ما دخلت في وسط زحمة الناس او زمايلك ف الدعاية وبتنطق اسمه بكل ثقة؟